भगवानलाई प्रसाद…(कविता)

थाह छैन
योग्य छु या छैन
किनकी
म बुकि हैन
र सुनगाभा पनि
न त लालीगुराँस हुँ
न त सयपत्री नै
र हैन म
पवित्र जल अनि अमृत दूध
तर पनि,
प्रसाद बन्न मन लाग्छ
भगवानको लागि

भगवान
ए भगवान !
तिमीलाई ढोग्न
तिमीलाई भेट्न
त्यत्ती रहर हराइसक्यो
जति आशा
यो मनमा सङ्लिन्थ्यो
जती विश्वास र भरोसा
मनभरी उर्लन्थ्यो
आस्था ढलेको हैन
विश्वास मर्यो अचेल
शरीर गलेको हैन
आत्म जल्यो अचेल
त्यसैले,
तिम्रो सामिप्यता हैन
तिम्रो लागि प्रसाद बनिदिन्छु

भगवान
ए भगवान !
मन्जुर हुनुपर्छ
तिमी पनि प्रजातान्त्रिक बन्नुपर्छ
तिमी र म बीच
लेनदेन हुनुपर्छ
संवाद र वार्ता हुनुपर्छ
कुनै कुनै मेरो कुरा
तिमी पनि सुन्नुपर्छ
त्यसैले,
इन्कार गर
मेरो जल,फूल र भेटी
बरु,
ग्रहण गर यो जिन्दगी नै
तिम्रो लागि भोजन बनिदिन्छु
स्वीकार गर
प्रसाद मानेर
हो भगवान,
तिम्रो लागि भोजन बनिदिन्छु
स्वीकार गर प्रसाद मानेर

प्रतिक्रिया दिनुहोस्

सम्बन्धित समाचार


हाम्रो बारेमा

संचारको दुनियाँमा छुट्टै पहिचान दिनको लागि स्थापित बागलुङ पोस्ट डकटम तपाईको सूचनाको प्यासलाई मेट्नको लागि सधैँ तत्पर छ । बागलुङ पोस्ट समाजमा भएका गविधिलाई टपक्क टिपेर प्रकाशन गर्ने छ । भ्रष्टाचार, अनियमितताको सधै भण्डाफोर गर्न छ । हामी ताजा र खोजमूलक समाचार, विचार र विश्लेषण निरन्तर सम्प्रेषण गर्दै जानेछौँ ।

हाम्रो टिम

सम्पर्क

बागलुङ पोस्ट

निसीखाेला गाउँपालिका-४, बागलुङ

ईमेल:[email protected]

 

    Subscribe

© copyright 2019 and all right reserved to Baglung Post | Site By : SobizTrend Technology