बरेङ : बरेङ गाँउपालिकाले कृषकहरुलाई ५० प्रतिशत अनुदानमा कृषि सामग्री वितरण गरेको छ ।
गाउँपालिकाले कृषकलाई अनुदानमा मिनिटेलर हलो १२ थान, कुटानी पिसानी मिल ६ थान, मकै छोडाउने मेसिन १० थान, कोदो चुट्ने मेसिन ३ थान, उखुपेल्ने मेसीन २ थान, पलाष्टिक टनेल ४२ थान बितरण गरेको हो ।
कार्यक्रममा बोल्दै गाँउपालिकाका अध्यक्ष कृष्णप्रसाद शर्माले कृषकलाई प्रबिधिसँग जोड्न उनीहरुकोे आवश्यकता र समयको माग अनुसारका सामग्री उपलब्ध गराउदै जाने बताए ।
कृषिलाई उच्च प्राथमिकता दिएर युवालाई यसतर्फ आकर्षित गर्न नयाँ प्रविधिको प्रयोगमा जोड दिदै शर्माले कृषिमा आत्मनिर्भर बन्न प्रविधि प्रयोगलाई अत्यावश्यक बनाए बताए ।
कृषकका समस्याहरूको समाधान, गर्दै उत्पादनको बजारीकरणको लागि समेत पालिका लागीरहेको शर्माको भनाई छ ।
पालिकाले अनुदानमा वितरण गरेका सामग्रीहरु राम्रो गुणस्तरको रहेको भन्दै यदि कुनै पनि सामाग्रीमा समस्या देखिएमा १ वर्षसम्म कृषकको घरमै पुगेर मर्मत संभार गरिदिने प्राबिधिक पदम बहादुपर खड्काले बताए ।
कृषक हरुले स्थानीय सरकारको योजना र कार्यान्वयनसँग किसानको आवश्यकता तालमेल तथा कृषकसँग समन्वय गर्दै प्रविधिमैत्री कृषि बनाउन काम गर्नुपर्ने सुझाव समेत दिएका छन् ।
