बागलुङ : सार्वजनिक भएको केही दिनै ‘माया आउने बस’ले चर्चा पाएको छ । मोडल अनिल पौडेलले बजारमा ल्याएको गीतले अहिले टिकटक लगायतको सामाजिक सञ्जालमा चर्चा पाएको हो । १० दिन अगाडि मात्रै सार्वजनिक भएको गीतले यो समाचार तयार पार्दासम्म ९ लाख २० हजार बढी युट्वुबमा दर्शकको भ्यूज पाएको छ ।
नेत्र अर्यालको शब्द, दिप्लभ खातीको संगीत तथा देवी घर्ती र दिप्लभ खातीको आवाजमा रहेको गीतको म्यूजिक भिडियो भने विनोद भण्डारिको निर्देशन गरेका छन् । उक्त गीतमा अनिल पौडेल र जुना विश्वकर्माको अभिनय रहेको छ । मोडल पौडेल र गायक खाती दुवै जना बागलुङको निसीखोलाका हुन् ।
गीत ‘अनिल पौडेल’ युट्वुब च्यानलमार्फत बजारमा आएको छ । मोडल पौडेलले यसभन्दा अगाडि पनि धेरै गीतमा अभिनय गरि सकेका छन् भने गायक खातीले पनि धेरै गीतमा स्वराङ्कन गरेका छन् ।
.png)
