भरतप्रसाद सापकोटा
बागलुङ : जिल्लाको काँठेखोला गाउँपालिका— ५ काउले का ५ घरको ताला फोडि चोरी गरिएको छ ।
गयराति घरमा मान्छे नभएको मौका पारी चोरी गरेको प्रहरी चौकी धम्जा÷बिहुँले जानकारी दिईएको छ । काठेखोला—५ काउलेका भिमबहादुर परियार परिवार सबै गल्कोट बिहेमा गएको मौका पारी छोरीका गहना तथा नगद गरी एक लाख ८२ हजार रुपयाँ चोरी भएको छ ।
काउले निवासी गंगाबहादुर दर्जीको घरमा आधा तोला भन्दा केही कम सुन चोरी भएको र काँठेखोला—५ थामडाँडा अमृत श्रीसको घरबाट डेढ तोला सुन चोरी भएको छ ।
शंकर परियार, गोपाल विक, चुडामणी कँडेलको घरमा ताला फोडिएको तर चोरी नभएको प्रहरी सहायक निरीक्षक भोजबहादुर गुरुङले जानकारी दिए ।
कांठेखोला ५ र ६ वडामा चोरी घटनाहरु तिब्र रुपले बढिरहँदा प्रहरीलाई चोर पत्ता लगाउन सकस परेको देखिन्छ ।
अघिल्लो वर्ष काँठेखोला ५ लामखुङ्, केही महिना अघि बिहुँ ५ लामरातिमा मणिभद्र कँडेलको घरमा पनि ठूलै रकम चोरी भएको उजुरी परे पनि ती घटनामा संलग्न कसैलाई प्रहरीले पक्राउन गर्न सकेको छैन । आखिर यस्ता घटनाहरु भईरहँदा पनि घटना नियन्त्र गर्न प्रहरीलाई सास्ती नै परेको देखिन्छ ।
चोरी लगायत सामाजिक अपराध नियन्त्रण गर्न प्रहरीलाई मात्र दोष लगाउने ठाउँ भने देखिदैन् ।
.png)
