बागलुङ : बरेङ गाउँपालिकाका अध्यक्ष कृष्ण प्रसाद शर्मालाई कोरोना संक्रमण पुष्टि भएको छ । गाउँपालिका अध्यक्षलाई कोरोना संक्रमण पुष्टि भएपछि गाउँपालिकाको अत्यावश्यक बाहेकाका सबै सेवा बन्द गर्ने निर्णय भएको बताइएको छ ।
गाउँपालिकाले वडा नम्बर १ मा रहेको धुल्लु लिउवा माध्यामिक विद्यालय र धुल्लुबाँस्कोट स्वास्थ्यचौकीलाई २६ गतेसम्म बन्द गरिने भएको छ ।कोरोनाको लक्षण देखिएर पोखरा गएका शर्मालाई बुधबार संक्रमण पुष्टि भएको गाउँपालिकाका प्रवक्ता नरबहादुर विकले जानकारी दिए ।
अध्यक्ष शर्माको पोखराको मेडिपल्स अस्पतालमा उपचाररत भइरहेको प्रवक्ता विकको भनाई छ ।गाउँपालिका अध्यक्ष शर्मालाई कोरोना भएपछि बुधबार उपाध्यक्ष दिल कुमारी पुनको अध्यक्षतामा बसेको गाउँपालिकाको आकस्मिक बैठकले गाउँपालिकाको अत्यावश्यक बाहेकाका सबै सेवा बन्द गर्ने निर्णय गरेको हो ।
.png)
